منیم حؤرمتلی و بؤیوک استادیـْم جناب آقای گلدوست بو وبلاگا بیر یازی گؤندریب لر کی عیناً سیزین نظریزه چاتدـیْریـْرام
-----------
وبلاگا بیر یازی
من اؤزومَه وظیفه بوُلوُرَم کی آذربایجان وبلاگیْ نیْن بلوگ اسکای دا آچیلماسین ، اونی آچانا و آذربایجانا اوُرَکلَری یانان ایرانلی باجی قارداشلاریْما تبریک دئییم . توُرک دیلینده یازماق و اوخوماق اؤن آتدیْم دا ( اول قدَم دَه) بیر آز چَتین نظَرَه گَلیر . آمّا بیر آز گؤز عادت ائله سَه هریازان و اوخویان اون نان لذت آپاراجاق . مخصوصا کی بیز تصمیم توتموشوخ کی دانیْـشـدیْـقـیْـمیْز کیمین یازاخ و بیگانه تورک دیلین دَه یازمانی ، بیگانه لَرَه خیدمت ائلیـیَن لَره تابشـیـْراق . بو وبلاگیْن یازما سـیـْندا من بیر ایراد گؤردوُم . اودا حرف لرین اوُستونَه حرکه قویما ق و اوخوجونی اول آتدیـْم لاردا دوُز گوُن تلفظ ائله ماقا هدایت ائلَمَاق و توُرک لغتلرین تانـیـْتدیـْرماق دی . هر حالدا اولا بوُ لَر کی بودا مَنیم نظریم نَن ایراد اولا و چوخلاری حَرَ که سیز یازماقی راحت اوخدوق لاریـْنا گؤرَه چوخ اهمیتلی بوُ لموُ یَه لَر . هر حالدا چوخ شادام کی منه بو اجازه وئریلیب کی بو وبلاگدا مطلب یازام . باشلانیـْش اوُ چوُ ن آذربایجان شاعری نباتی نی سیز عزیزلریمه اونون بیر قطعه توُرکی شعری نَن معرفی ائلی ییرَم . هادی گلدوست
آذربایجانین شاعری حکیم سید ابوالقاسم نباتی فرزند میر یحیی
مین ایکی یوُز دوخسان ایکینجی هجری قمری ایلینده ارسباران محالیْندا اولان قره داغیـْن(کَلِیـبَر)) اوشتبون کَندینده دونیایا گلدی و مین ایکی یوُ ز آلتمیـْش ایکینجی ایلده (یئتمیش یاشیندا) اؤز آنا دان اولدوغی اوشتبون دَه دونیادان گئتدی . نباتی اؤز اثر لرین تورکی – فارسی و عربی دیل لرینده یازیـْب . بو شاعر اَهَر شهرینده و تبریزده حوزوی دَرسلـَرین قورتاریـْب و اوجوُر کی اونون حقینده یازیـْبلار مسلکی درویشلیک و مشرَبی صوفی لیک اولوب . اونون توُرکی و فارسی شعر دیوانی دفعه لر چاپا ئیتیشیب . نباتی نین تخلصی شعرلرینده مجنونشاه و خان چوبانی دا آدلانیـْب .
ساقیا دور دولانـیـْم باشیـنا گَل دؤورانه
جام زرینی گؤتوُر ، بیرجَه دولان مستانه
تار زوُلفوُن کیمین ظالیم ، منی بی جان ائلَه دین
گَتیر او روح و روانی ایله منی بیر جانه
گؤرمَه سین اؤزگه گؤزَللر من مجنونی مگر
سالیـْب او کافر بی رحم منی زندانه
عشقدَن گؤر نه عجب نَفعَه یئتیشدیم ، وَه وَه !
عاقیل عصرایکن ، ائتدی منی دیوانه
قورخما نئیران فراقیـْن شَرَریندن ای دل !
صدق ایله توت اوُزوُنوُ بیرجَه شه مردانه
اسم اعظم دئییلَن اسم علی دیر بالله !
گَزمَه بیجا یئرَه نَسناس کیمین هر یانه
ائتمَز اقرار نباتی بو سؤزَه زاهدِِِِ دون
گَلمَز ایمانه یقین ، آند ایچه سَن قرآنه
عزیز هموطن لردن کی ایستی ییر لر بو وبلاگدا مطلب یازالار خواهش اولونور اؤز مطلبلرین یازماق اوچون خبر وئرسینلر تا اونلاردان دعوت الونسون . خبر وئیرماقین یولی بودور کی یا ایمیل آدرسی زی نظرلر قسمتینده یازاسیز یا منه گؤندره سیز . اللاهدان سیزلره جان ساغلیقی و شادلیق ایستیرم . آذربایجان وبلاگی
دوستلار سلام
آللاها شوکر اولسون کی بالاخره او شعوری اؤزوموزده تابدیخ کی دانیشدیغیمیز دیلده یازاخ . او وقت کی دوستلاریم و باجی قارداشلاریم تورکجه یازیـْب اوخوماقی منه پیشنهاد ائله دیلر ، لاپ دوزی من بیر آزجانا چکیلدیم . اوشوندوم . قورخوردوم کی یئتمیش هشتاد ایلدن آرتیق بیزیم یازی دیلیمیزی آزدیرانلارا و رویا دا واحد تورک دونیاسینی آختارانلارا قاندیرا بولمویاخ کی بیزیمده یازیمیز وار . بیزده ائلییه بولریک اؤز آنا دیلیمیزده یازاق و اوخویاق . نییه گرگ دانیشماقیمیز بوجور اولسون آما یازماقیمیز باکی دیلینده . تهراندا بیر نئچه جلسه بولوجی و صمیمی و ایرانا گؤره اورةیی چیرپینان تورک دیللی باجی قارداشلاریمینان اولدوم . قارداشلاردان بیری دئدی کی گلین بو تورک ادبیات فاجعه سینه ایراندا سون قویاخ . داها بسدی بیر بئله اجازه وئرمیشیک کی ساتقینلار و ایرانی پارچالانمیش ایستیینلر ایرانین دولتینین گوزونون قاباقیندا تورک دیلینین یازماسینی باکی شاماخی دیلینه طرف سوردورورلر . نئچه ایلدی کی وارلیق مجله سی ایراندا دؤکتورجواد هیأتین ساتقینلیقی نین سایه سینده بیزیم بو شیرین تورکی دیلیمیزی او تایین بقول اؤزلری آکادمیک دیلینه باغلی ییب و بیزی اوتایا سورویورلر . بو یازیلاراباخین . من بیر زمان یازدیم و دئدیم کی بو ساتقینلار ادبیاتیمیزی اوتایا باغلاماقینان ایستی ییرلر دونیا دا بئله مطرح ائله سینلر کی بیزیم یازی پوروموز اوتایینان بیردی . معاصر تاریخده گؤرسدیر کی بیز قاچاریه زمانی بیری بیریمیزدن سیاستچی لرین و قاجار شاهلاری نین ظولمونون اثرینده آیریلمیشیق ( هئچ دئمیرلر کی روس تزاری نین زوراکی لیقینا آیریلمیشیق) بونا گؤره ده ایندی دونیا دولاندیران سیاستچی لر گرک بیزلری بیرلشدیرمه یه کمک ائلییه لر . و بو فیریلداق اویونی بونلارین اول آتدیم لاری دی . بقول ساتقین چهرگانی کی من بیر دفعه اون بئش ایل قاباخ تبریز ده سهند آدلی بیر محله ده شاهگؤلونون طرفینده (ایندی آدی اولوب ائل گؤلی) دوستلارین بیری نین واسطه سینن او آدمینان گؤروشدوم .اوندا حله توتولمامیشدی و ساتقینلیقی آشکار دییر دی . او اوزمان او بئله دی ییر دی کی بیز گرک ایران نان آیریلاق ، سورا او تایا یاپیشاق و اوننان سورا ترکیه ینن بیرلشیب تورک آدلی بیر واحد حکومت یاراداق . سیز باخین گؤرون بونلار نئجه خبیث و شیطانی نقشه ایرانی پارچالاماقا چکیبلر ؟؟!! البته چهرگانی او آداملارین یانیندا کی بئله بیر باطل فیکری تورکلرین آراسینا سالیب لار و استانبول لی و باکی لی دیلار، ائله بیر ساییلان آدام دییل . آما ایران نان قاچان نان سورا ایندی باکی دا استانبولدا بیر تشکیلات آچیب کی آدی گونئی آذربایجانین ملی اویانیش حرکاتی دی . کی اصطلاحا خلاصه حالدا گاموح دییر لر . هر حالدا بیزیم ادبیاتیمیزی بیر گونه سالیب لار کی هئچ بیر تورک دیلی اولان ایرانلی ایسته میر اونی اؤرگشه . چون او یازمادان بیر زاد باش تاپمیر . حقی ده وار . من سیزدن ایستیرم کی ال اله وئراق و دیلیمیزین آرادان گئتمه سینه ساتقینلارین و ایران دوشمنلری نین واسطه سی نن اجازه وئرمییاق . خاطر جمع اولون کی ملت بیزه طرف و بیزینن اولاجاق . استادلارین بیری مامور اولدی کی اون آلتی نفره کی جلسه ده وارییدیلار اؤزدیلیمیزده یازماقین یولونی اؤرگتسین . بیزیم دوقوز نفریمیزین کی احتیاجیمیز وارییدی تورک دیلینین نئجه دانیشیب و نئجه یازماقین اؤرگشاق ، اوچ گونده اؤرگشدیک . و ایندی بویازی او اوچ گون تهراندا قوناق اولوب اؤرگشمه نین اثری دی . البته بیر نئچه دفعه مجبور اولدوم ویراستار لیق ائلی یم . حله اولیم دی . حتما یولا دوشوب و یازاجاقام . و قارداش باجیلاریما اؤز تورک ادبیاتی میزدا اولان گؤزل ادبی پارچالارین تقدیم ائلییه جاقام . حله لیک آللاهین امانیندا ساغ و سلامت قالین .